Es geit wede geisch!

  M. Bürki  –    29. Januar 2021

Es geit wede geisch…..
ga luege öb das wo die dört säge u mache ou würlich eso isch
Oder öb das wo die dört säge u mache gar nid eso isch wie si säge

Villicht mache si ja eifach und säge gar nüt oder ämu nid eso viil
U die wo säge, si meh mir hie aus die dert….

weiterlesen >

Es geit wede geisch…
u afasch u mitmachsch u nid eifach dernäbe steisch u zueluegsch….
es geit wede geisch u mithiufsch und mitdänksch und mittreisch,
de geiz de scho…eso oder ou echli angers, das ist nid zproblem,
zproblem wäri nume wende nid geisch und nid afasch u nid mithiufsch
u mitdänksch und mittreisch…de giengs nid

Es geit wede geisch…..
und nid wartisch u jammerisch…gott sigi sowieso tot und nie da gsi
und chunnt nümme zrügg…
es geit wede geisch und geisch ga luege
öb daa nid doch no chli vo däm gott übrigblibe isch
unger all dam prunk und däm glämmmr u däm schiiis und dam mist für viiil priiis

Es geit wede geisch…
und still wirsch und i di ine losisch zum überhoupt mau merke
dass du ja da bisch und dass es ja genau iz dr momänt isch zum gaa….

Es geit wede geisch
und nid ständig jammerisch über schmärze im rügge und i de bei
und natürlich im härz und im chopf und im haus und idr nase…

Es geit wede geisch
und luegsch dasde ungerwägs blisch zu dir und zu gott
und zu dim innerste chline vernachläsigte bueb oder meitli…

Es geit wede geisch
und weisch das die angere di i däm prozäss mittrage…de geiz

Es geit wede geisch…..
und dir vorsteusch du sigisch scho ganz erlüchtet
und vouer wille vom heilige geischt…de geiz ufzmau de scho…

Es geit wede geisch
und mittreisch und nid einfach usetreisch vor d hütte
ohni vorher zluege was da aus schöns isch usem chäuer vürecho….

Es geit wede geisch….
und ändlich versteisch was de wotsch und bruchsch vo dere wäut
Und vo dir
Und vo gott
Und vom jesus
Und vom heilige geischt

Es geit wede geisch
und s mängsich ou eifach ertreisch wöu de weisch
dass es de scho wieder besser wird….wende geisch
und s denn geit wöu de gange bisch go luege und loose was dert isch
wo de gange bisch zum luege und lose

Es geit wende geisch….
und ufhörsch zverurteile und zrichte und abezmache
und lut zwärde und drizschlaaa und zvergliche und uszlache…
Hör uf mit vergliche..niemert isch grösser und besser aus gott…

Es geit wende geisch…..
es geit de scho aber du muesch äbe gaaaa
U afaaaaa
U mache
Unid gränne
Sondern ufsta
U loslaaaa

Es geit wende geisch….
Jede morge vo neu mit em vater im himmu und dr muetter i dr ärde
Und em sohn im härz und im buuch
Denn geiz de scho…aber du muesch äbe ga und nid warte…
es git gnue wo nes läbelang warte und när merke ou iz isch es jo spät..

Es geit wende geisch…
Gang!
IZ!
Loos!